Dagang Kanal

Dagang Kanal (j.luna)


Nagising ang buong barangay nang basagin ang katahimikan ng mga sigaw at atungal ni Aling Baby, ang kapitbahay naming bagong panganak.

Mula sa aking pagkakahimbing, ako'y biglang napabangon-
naalarma sa malakas na sigaw na narinig, at tulad ng mga kapitbahay ay lumabas din ako upang rumesponde sa sigaw ng saklolo.


Pagdating sa bahay ng bagong ina ay nalaman ko ang dahilan ng kaguluhan-
nilalapa pala ng mga dagang kanal ang bagong panganak na sanggol ni Aling Baby.

Di-magkandaugaga ang mga taong bayan dahil sa milyun-milyong dagang kanal na nagkukumpulan at nagpipiyesta sa ngayo'y gutay-gutay nang katawan ng sanggol.

Milyun-milyog dagang kanal-
isang kumikilos na dagat ng maiitim, nakakalbo, mabaho at nakakapandiring mga dagang kanal na di kayang itaboy ng kahit anong hampas at palo mula sa mga patpat, pala at walis na dala ng mga takot na kapitbahay.

Kitang-kita ko ang lahat mula sa aking kinatatayuan.

"Wasak", ang unang salitang pumasok sa aking isipan.

Biglang naalala ko na may pasok pala ako, kaya naisipan ko nang sumibat.

Mapaglaro ang tadhana-
timing na timing ang sigaw ni Aling Baby na ilang minuto lang ang agwat sa oras na nakaset sa alarm clock ko para mag-alarm--
ang oras upang gumising at harapin ang isang panibagong araw.

Mahal ko ang trabaho ko, ayokong ma-late.


Sa daan pauwi may umover-take sa akin na dagang kanal na malaki, mataba at nanlalagas ang balahibo at may tangay-tangay na kapirasong lamang-loob sa kanyang bibig.

Sa pagkaripas nito, aking napuna na may naiwan ito sa daan.

Lumapit ako sa bagay na kanyang nalaglag; ako'y yumuko at nakita ko na ito’y ang putol na etits ng sanggol-
lasug-lasog ito at halos di na makilala dahil sobrang duguan.

Sa aking pagtayo aking napuna na ang ganda pala ng araw habang sumisikat ito sa silangan,
at sa kanto malapit sa aking bahay ay nakapuwesto na ang kariton ng mamang naglalako ng pares at mami.